Alzheimer Ferrolterra

981 370 692

Identificarse

Login

Usuario
Password *
Lembrarme

Atención! Este sitio usa cookies e tecnoloxías similares.

Se non cambia a configuración do seu navegador, vostede acepta o seu uso. Saber máis

Entendo

Dende Afal desexamos informarche que a nosa páxina web utiliza cookies para analizar a navegación de usuarios.
As cookies son uns arquivos que se instalan no equipo desde o que accedes á nosa web coas finalidades que se describen nesta páxina.
A aplicación que utilizamos para obter e analizar a información da navegación é: Google Analytics: www.google.com/analytics/ e http://www.google.es/intl/es/analytics/privacyoverview.html
Esta aplicación foi desenvolvida por Google, que nos presta o servizo de análise da audiencia da nosa páxina. Esta empresa pode utilizar estes datos para mellorar os seus propios servizos e para ofrecer servizos a outras empresas. Podes coñecer esoutros usos desde as ligazóns indicadas.
Esta ferramenta non obtén datos dos nomes ou apelidos dos usuarios nin da dirección postal desde onde se conectan. A información que obtén esta relacionada por exemplo co número de páxinas visitadas, o idioma, rede social na que se publican as nosas noticias, a cidade á que está asignada a dirección IP desde a que acceden os usuarios, o número de usuarios que nos visitan, a frecuencia e reincidencia das visitas, o tempo de visita, o navegador que usan, o operador ou tipo de terminal desde o que se realiza a visita.
Esta información utilizámola para mellorar a nosa páxina, detectar novas necesidades e valorar as melloras para introducir coa finalidade de prestar un mellor servizo aos usuarios que nos visitan.
Para permitir, coñecer, bloquear ou eliminar as cookies instaladas no teu equipo podes facelo mediante a configuración das opcións do navegador instalado no seu computador.
Por exemplo podes atopar información sobre como facelo no caso que uses como navegador:
Firefox desde aquí: http://support.mozilla.org/es/products/firefox/cookies
Chrome desde aquí: http://support.google.com/chrome/bin/answer.py?hl=é&answer=95647
Explorer desde aquí: http://windows.microsoft.com/es-é/windows7/how-to-manage-cookies-in-internet-explorer-9
Safari desde aquí: http://support.apple.com/kb/ph5042
Opera desde aquí: http://help.opera.com/windows/11.50/é-É/cookies.html

Séguenos en...  

Terapias innovadoras

Investigamos e innovamos para ofrecer sempre novas terapias que melloren a calidade de vida dos nosos maiores...

Familias

Estamos para axudar ás familias. Axudarémosche cos trámites legais, prestámosche apoio psicolóxico...

Tratamento non farmacolóxico

Cada día, desenvolvemos terapias que permiten, xunto ao tratamento farmacolóxico, estimular aos nosos maiores e retardar o avance da enfermidade…

Formación

Como centro formador, programamos ao longo do ano accións e cursos, charlas e conferencias...

Máis cerca de ti

Estamos para ti nos nosos centros de día terapéuticos de Ferrol, pero tamén nos concellos da comarca...

Publicacións

Enfermidade de alzheimer  Enfermedad de alzheimer publicacion
Guia coidadores fagal  guia coidadores fagal castellano publicacion
Guia de musicoterapia  guia de musicoterapia publicaciones
Guia de reeducación psicomotriz  guia de reeducacion psicomotriz

Guia para persoas que coidan enfermos de alzheimer

 guia para personas que cuidan enfermos de alzheimer publicaciones
Recomendacións para a atención de persoas con dependencia  recomendaciones para la atencion de personas con dependencia publicaciones

Noticias

Celebraranse no local da Asociación A Frouxeira, xunto ao centro de saúde, mércores e xoves

Comezarán esta semana e a inscrición está aberta no departamento municipal de Servizos Sociais de Valdoviño e en Afal

Valdoviño, 10 de febreiro de 2020. O Concello de Valdoviño, municipio solidario co alzheimer, impulsará terapias específicas para as persoas afectadas a partir desta semana. Así o avanzou o alcalde, Alberto González, para sinalar que o obxectivo é mellorar a atención aos veciños e veciñas que padecen esta enfermidade e tamén procurar un respiro familiar para os seus coidadores. Así, Afal guiará as terapias cada semana. Serán mércores e xoves, de 18 a 20 horas, no local da Asociación A Frouxeira, moi próximo ao centro de saúde e á casa da cultura.

Os talleres están dirixidos a persoas afectadas de alzheimer ou outro tipo de demencia nunha fase inicial ou moderada, de cara a traballar as súas capacidades a través de terapias de estimulación cognitiva. Deste xeito, o alcalde anima ás familias a interesarse polo proxecto e apunta que a inscrición está aberta tanto no departamento municipal de Servizos Sociais (planta baixa da casa consistorial ou teléfono 981 48 70 41 extensión 5) como na asociación Afal (teléfono 981 37 06 92).

Catalina García interesouse polo día a día da asociación e, xunto ao presidente de Afal, Francisco Pantín, anima ás familias de Narón coidadoras de persoas con demencias a interesarse polas terapias que se ofrecen en Piñeiros

Ferrol, 4 de febreiro de 2020. A concelleira de Acción Social de Narón, Catalina García, visitou a semana pasada o Centro de Día Terapéutico de Afal Ferrolterra (rúa Río Castro, 43-45 baixo Ferrol). Unha visita na que a edila compartiu por unhas horas o día a día da asociación. O presidente de Afal, Francisco Pantín, xunto ao director de administración, José María Otero, dáballe a benvida para, de seguido, iniciar un percorrido polas diferentes dependencias con parada nas salas de terapias, onde os/as usuarios/as estaban a participar, nese momento, en sesións de ximnasia e estimulación cognitiva lúdica.

Ademais, a concelleira mantiña ao remate da visita unha xuntanza de traballo co presidente e o director de administración. Nela, abordáronse os proxectos nos que Concello e asociación colaboran, como o programa de sensibilización nos centros escolares ou as terapias de estimulación cognitiva para persoas afectadas que se levan a cabo cada semana no Centro Cívico Social de Piñeiros para os veciños e veciñas de Narón. Neste último caso, a concelleira animou ás familias a adherirse ao programa, con sesións para as persoas afectadas todos os martes e venres de 11 a 13 horas e custe cero. A inscrición pode formalizarse no Servizo Sociocomunitario de Narón (primeiro andar do consistorio) ou en Afal.

Pablo Moreda, alcalde de Cedeira, e Francisco Pantín, presidente de Afal, entidade que guía os talleres, animan ás familias a sumarse ao programa

As sesións celébranse os martes e xoves de 18 a 20 horas

Cedeira, 1 de febreiro de 2020. Terapias coas que tentar retardar o avance do alzheimer e mellorar a calidade de vida das veciñas e veciños afectados, ofrecendo ao mesmo tempo o necesario respiro familiar aos seus coidadores principais. Eses son os obxectivos dos obradoiros que impulsa o Concello de Cedeira xunto a Afal. O alcalde, Pablo Moreda, visitaba esta semana os talleres acompañado do presidente da asociación, Francisco Pantín, e aproveitaba a oportunidade para animar ás familias coidadoras da vila a interesarse pola iniciativa e sumarse á mesma.

Celébranse martes e xoves de 18 a 20 horas na terceira pranta do Auditorio Municipal. Son obradoiros de estimulación cognitiva para veciños que teñen diagnosticada a enfermidade e que se atopan nunha fase inicial ou moderada.

As respectivas corporacións aprobaron en pleno unha declaración institucional solicitando ao Goberno central que acelere a súa aprobación definitiva e posta en marcha

O presidente de Afal, Francisco Pantín, agradeceu a unanimidade e apoio

Ferrol/Narón, 31 de xaneiro de 2020. Os plenos dos Concellos de Ferrol e de Narón amosaron no día de onte o seu apoio unánime á posta en marcha do Plan Nacional de Alzheimer e outras demencias 2019-2023. Sen debate e por consenso. Todos os grupos municipais tiveron unha soa voz e un so discurso: estar ao lado das persoas afectadas de alzheimer, das súas familias e das persoas coidadoras. En nome de Afal, o seu presidente, Francisco Pantín, tomou a palabra na sesión ordinaria celebrada en Ferrol e agradeceulles ao alcalde e ás concelleiras e concelleiros de todos os grupos municipais de Ferrol que convertisen a moción presentada por Afal nunha declaración institucional, constatando o seu respaldo sen fisuras. O mesmo agradecemento que fai extensivo á alcalde de Narón, Marián Ferreiro, e a todos os grupos municipais da cidade.

Na declaración, sinálase que a enfermidade de alzheimer –que se estima afecta na comarca de Ferrol a unhas 6.000 persoas- é un problema sociosanitario de primeira magnitude, que presenta un importante impacto sociosanitario, tanto pola súa frecuencia como por ser unha das causas máis habituais de discapacidade no adulto. Segundo datos da Organización Mundial da Saúde (OMS), máis de 35 millóns de persoas no mundo sofren algún tipo de demencia.

É un sentimento moi común nos coidadores e a nosa psicóloga Julia Cabanas ofrécenos algunhas claves para convivir con ela e afrontala

O exercicio de coidar é unha aprendizaxe constante, baseado en necesidades físicas e biolóxicas en relación co nivel de dependencia do paciente (Cattani and Giradon-Perlini, 2004).

Durante a dura experiencia do coidado, moitísimos coidadores teñen sentimentos de illamento e soidade que poden ser causados polo cambio no estilo de vida anteriores á enfermidade, polo cambio de hábitos, modificación de rutinas, estes cambios poden chegar a desenvolver unha sensación de illamento do coidador respecto da súa contorna e pode conducir a que se senta só e illado.

Aprender a convivir coa soidade

Ter un sentimento de soidade non significa permanecer illado fisicamente. A soidade pode presentarse en diferentes formas:

-A soidade percibida sería aquela que se sente aínda estando rodeada de persoas. O coidador pode verse nesta situación cando non pode expresar as súas emocións cos que lle rodean xa sexa por falta de tempo, porque non se lle presta atención nin recoñecemento ao seu labor, porque non entenden a vivencia persoal pola que está a pasar… séntese incomprendido ou cunha sensación de estar só na tarefa do coidado.

-A soidade real que sente o familiar coidador, na que está realmente só, convive só co enfermo, non recibe visitas e se sente illado, ben porque o seu familiar enfermo era a única persoa con quen mantiña un vínculo, ou porque ao longo do desenvolvemento da enfermidade foi perdendo o contacto cos demais e illouse completamente.

-A soidade como illamento voluntario por parte do coidador, sen ser unha imposición, chegando a un estado de aceptación da soidade como algo temporal como un tempo de encontro e reflexión cun mesmo que nos resulte reconfortante.

“Non busques a soidade senón queres”

No marco das Axudas ao abeiro da medida Leader (submedidas 19.2 e 19.4}, cofinan­ciadas co Feader no marco do Programa de desenvolvemento rural de Galicia 2014-2020 (PDR}, solicitouse a subvención da submedida 19.2 (apoio para a realización de operacións conforme a Estratexia de desenvolvemento local) mediante un proxecto de natureza non produtiva para o programa "SERVIZO DE TRANSPORTE ADAPTADO PARA A ZONA RURAL".

Este programa, desenvolvido pala Asociación de Familiares de Enfermos de Alzheimer e outras demencias·_ AFAL Ferrolterra, fo¡' subvencionado pala Consellería do Medio Rural, mediante resolución de data 22 de agosto de 2019, estando cofinanciada esta subvención polo FONDO FEADER (Fondo Europeo Agrícola de Desenvolvemento Rural: Europa inviste no rural) (nunha porcentaxe do 75 %} e coas achegas das administracións públicas nacionais: ADMINISTRACIÓN XERAL DO ESTADO (nunha porcentaxe do 2,5 %} e XUNTA DE GALICIA (nunha porcentaxe do 22,5 %} para a adquisición dunha furgoneta adaptada. 

Entidades colaboradoras

¡Faite Socio!

Axúdanos a levar a cabo os nosos proxectos

A túa axuda é importante, se queres colaborar connosco máis activamente, por favor, descarga o formulario correspondente e fáinolo chegar á nosa sede.

Contacta con nós

E-mail

Teléfono

Fax

Enderezo

afalferrolterra@afalferroterra.com

981 370 692

981 931 830

R/Río Castro 43-45 Baixo - 15404 - Ferrol (A Coruña)

Homologado pola Consellería de Traballo para a impartición de accións formativas

Entidade declarada de Utilidade Pública polo Ministerio do Interior